Álex López-Benito

Últimos artículos publicados

17 oct 2024

Juan José López Escobar en «De 0 a 100»: «Non somos conscientes de todos os datos que facilitamos co noso móbil»

O enxeñeiro de telecomunicacións de atlanTTic, da Universidade de Vigo, incidiu no programa de La Voz en colaboración coa Consellería de Educación, na importancia dun uso responsable do noso «perfil dixital», imprescindible en todo caso para ter unha boa experiencia coma usuarios de internet. Aos alumnos de bacharelato do IES República Oriental do Uruguay de Vigo, este investigador explicoulles aspectos relacionados coa chamada internet das cousas (IoT) e as redes 5G e 6G. A primeira consiste na relación entre diferentes dispositivos electrónicos coa rede, facilitando unha relación personalizada con eles. «Un altavoz intelixente, o noso ordenador portátil, o do traballo e o móbil forman un todo, por iso dicimos a veces que "o móbil nos escoita"». López Escobar lembrou que iso non é exactamente así, e que sucede polos permisos que como usuarios outorgamos a aplicacións que empregamos a cotío, como por exemplo facilitando datos relativos á nosa ubicación e ás veces mesmo proporcionando acceso á cámara. «Cómpre ir moitas veces a axustes e ser precisos neste sentido, unha aplicación que serve para informar do tempo, non debería ter acceso ao micrófono, por exemplo», aconsellou aos rapaces. 
Como membro de atlanTTic, Centro de Investigación en Tecnoloxías de Telecomunicación da Universidade de Vigo, axudou a debuxar o futuro das conexións inalámbricas. Destacou as smart cities, a transformación dixital das cidades, que mediante sensores conectados entre sí facilitando datos sobre tráfico ou calidade do aire, poden mellorar a calidade de vida dos veciños. Sen esquecer que nuns anos esta circunstancia ou a crecente presenza dos coches autónomos suporán ter que incrementar o ancho de banda das conexións, nas que cada vez hai máis datos. Se actualmente o 5G chega a 1 Gigabyte por segundo, «o 6G multiplicará esa cifra por 10».

IAGO GARCÍA / SENÉN ROUCO / ÁLEX LÓPEZ-BENITO

08 jul 2024
Debate entre la generación Z y la millennial.

Generación Z vs «millennial»

El debate sobre la generación de cristal, salud mental, sexo y cuidado

ÁLEX LÓPEZ-BENITO, SENÉN ROUCO, JORGE PUBUL

30 may 2024
Francisco Fernández, fundador de Automoción Vilar do Colo

Francisco Fernández, de Automoción Vilar do Colo, en «De 0 a 100»: «Co lixo facturamos case 3 millóns ao ano»

«O 98 % do noso negocio é o lixo», di Francisco Fernández, fundador de Automoción Vilar do Colo. Formado no IES de Fene no eido da automoción, centrou o seu negocio na reparación, venda e aluguer de maquinaria de limpeza e camións do lixo. Unha especialización que agora considera «un piar fundamental» do grupo de empresas que lidera, no que figura tamén un taller de vehículos lixeiros e un negocio de transporte de formigón. Foi en 2018 cando deixou a multinacional na que estivo durante 13 anos reparando vehículos de xestión de residuos de catro países diferentes e decidiu emprender o seu propio camiño. «Realmente empezar empecei no mundo dos recambios, que non me gustaba, despois nesa empresa na que estiven adquirín moitos coñecementos e agora, seis anos despois damos traballo a 25 persoas», sinala orgulloso do camiño percorrido. Ao alumnado do que foi o seu centro aconselloulle «equivocarse» e, especialmente, empregarse «no que lle gusta a un» porque o máis importante que temos é «o tempo», que «é o noso ben máis prezado». A diversificación parece estar presente tamén nos plans a medio prazo deste empresario cabanés, que pensa en ampliar as súas instalacións e mesmo estuda realizar unha operación inmobiliaria proximamente

Iago García / Alex López-Benito / Senén Rouco

Anterior Siguiente