Álex López-Benito

Últimos artículos publicados

23 may 2024

InlineLucas

Vídeo: Álex López-Benito / Fotos: César Quián

16 may 2024

Rubén Fernández, de Casa Castelao, en «De 0 a 100»: «En 2018 chorei diante de dous clientes, pensei que tiñamos que pechar»

Casa Castelao, nacida hai un cuarto de século na Fonsagrada, é unha homenaxe ás matanzas tradicionais de dona Carme, a avoa do actual conselleiro delegado de empresa, Rubén Fernández. Dende a montaña lucense, a 1.000 metros de altitude, está especializada en produtos de porco. «Grazas a nós, o butelo, tan tradicional aquí, chega a moitos lugares», sinala orgulloso Fernández. Tamén salazóns, destacando o lacón e a panceta. Xamón, chourizo... «temos en total 35 referencias no noso portafolio e a calidade dos nosos produtos é moi aprezada en Galicia, que era unha das nosas preocupacións». O empresario volveu ao centro no que el mesmo estudou, o IES Fontem Albei da Fonsagrada, para compartir no programa que La Voz de Galicia realiza coa colaboración da consellería de Educación, os segredos do empredemento empresarial. «O meu principal consello é que non teñan medo a equivocarse, que se formen e que arrisquen. Eu mesmo no 2018 chorei e non me da vergoña dicilo diante de dous clientes porque pensei que tiñamos que pechar», lembrou diante das cámaras. Agora, seis anos despois, parece superada aquela crise da peste porcina africana que tamén afectou aos produtores europeos. «Tamén a guerra de Ucrania provocou que aumentaran os nosos custes de produción pero non pensamos rebaixar a calidade da nosa materia prima, así que temos que subir os prezos procurando manter un equilibrio pero sen perder», detalla sobre a actual situación no mercado. Casa Castelao mantén unha notable presenza na zona norte peninsular e tamén en Portugal e o obxectivo é medrar na exportación, estando xa presentes en países europeos e nalgúns ao outro lado do Atlántico como a República Dominicana ou México

IAGO GARCÍA / SENÉN ROUCO / ÁLEX LÓPEZ-BENITO

03 may 2024

Sofía Rodríguez, de theCosmethics, en «De 0 a 100»: «Cosmética ética é venderlle a unha clienta só os produtos que realmente necesita»

O programa que achega exemplos de emprendemento a centros educativos de secundaria da man de La Voz e a consellería de Educación levou ao IES Lagoa de Antela de Xinzo de Limia a unha das fundadoras do «ecommerce de cosmética». Formada nese centro, e posteriormente estudante de empresas e relacións internacionais, apostou por adicarse ao que realmente lle gustaba. «Esa é a clave dende o meu punto de vista para botar a andar un negocio que non sabes cando empeza se vai ir ben ou mal, que che guste realmente o que queres facer», dixo a limiá ao alumnado. A empresa botou a andar en Allariz en 2011, primeiro contaba con tenda física e web, pero hoxe en día está xa plenamente adicada Sofía e as súas compañeiras ao negocio online. «O que nos distingue é a selección dos produtos, orgánicos, naturais e de calidade e o noso asesoramento, buscando a fidelidade da clientela», sinala Rodríguez. Sirven 1.500 referencias distintas a toda Europa e contan tamén cunha marca propia. No último exercizo, theCosmethics, está dando beneficios despois dunha ampliación de capital en 2020 que as fixo medrar en plena pandemia. «Nós mesmas sabemos que vendemos ingredientes e resultados por iso somos as primeiras en testar os produtos, saber como funcionan e así poder dicirlle ás nosas clientas cómo lles vai a funcionar», detalla orgullosa do seu día a día. «Cosmética ética é venderlle a unha clienta só os produtos que realmente necesita», conclúe sobre a súa labor

IAGO GARCÍA / SENÉN ROUCO / ÁLEX LÓPEZ-BENITO

03 may 2024
Belén Reimondo, fundadora de Belén Cars en Ferrol

Belén Reimondo, de Belén Cars, en «De 0 a 100»: «Mercamos un coche para os vindeiros dez anos, con ese horizonte nunca recomendaría un eléctrico»

O programa que achega exemplos de emprendemento a centros de secundaria da man de La Voz en colaboración coa consellería de Educación, convidou á empresaria Belén Reimondo para falar do seu negocio de compraventa de coches, Belén Cars. Con sede en Ferrol, é a súa aposta persoal despois de 25 anos adicada de cheo á venda de coches. Aos alumnos de secundaria do centro onde esta mariñá estudou, o IES Dionisio Gamallo de Ribadeo, explicoulles os motivos que a levaron a deixar de ser traballadora por conta allea, pasando a ser a súa propia xefa. «Aproveitei a miña experiencia en vehículos de alta gama para ofrecer un servicio de mediación, no que a cambio dunha comisión, buscamos no mercado de segunda man o coche que mellor se adapta ás necesidades dos nosos clientes», explica Reimondo. Para ela, a pesar do tempo que leva entregando vehículos, trátase dunha merca «especial e cun gasto importante» e sempre é «gratificante» ver que lle entregas algo «tan desexado» a unha persoa. Con menos de dous anos dende a súa fundación, Belén Cars vendeu 97 vehículos en 2023, unha cifra que leva a Reimondo a pensar en ampliar o negocio. Iso sí, de momento aínda centrada nos vehículos movidos por motores de combustión. «Os meus clientes veñen buscando un coche para a vindeira década, que lles permita usalo en calquer circunstancia e iso os eléctricos aínda non o permiten pola súa autonomñia e infraestructura de recarga», di Belén. «Nun futuro a autonomía e a rede de carga mellorará, non teremos que estar pendentes de planificar viaxes longas con eles e quizais permitan ser usados por calquera persona en todas as circunstancias, algo que agora non é así», conclúe

IAGO GARCÍA / ÁLEX LÓPEZ-BENITO / SENÉN ROUCO / JORGE GARCÍA

26 mar 2024

La tecnología al servicio de la generación renovable

Iberdrola ubicará en la central hidroeléctrica de bombeo de Santiago Sil-Xares, situada en el municipio de Vilamartín de Valdeorras, una batería de cinco megavatios a la hora que optimizará su funcionamiento. El proyecto, clave en la integración de las renovables, reforzará la apuesta de la compañía por la zona. "Los sistemas de almacenamiento hidroeléctrico, tal y como subraya Miguel Ángel López -responsable de Generación Sil-, son la única modalidad con capacidad suficiente para poder integrar el resto de las tecnologías renovables y evitar así las desconexiones de este tipo de instalaciones, como ha estado sucediendo con los recursos eólicos o como pasa también con la energía solar".

Álex López-Benito / Senén Rouco

Anterior Siguiente