20 feb 2019
Debate sobre a lingua materna
O tema ten grande importancia en por si, especialmente nos países ou rexións nas que a comunicación entre profesores e alumnos ten unha dobre canle comunicativa: familiar e colexial. A este interese e importancia únese o feito de que as Nacións Unidas propuxeron que o 2019 sexa o Ano Internacional das Linguas Indíxenas, cuxo tema e programa presentamos na edición de La Voz de la Escuela do pasado 9 de xaneiro. Un excelente tema para o diálogo e o debate, cuxos datos iniciais sobre a súa valente historia e desenvolvemento presentamos en primeira páxina. Animádesvos a organizar un debate en clase? A continuación facilitámosvos datos, logros e dúbidas para empezar a dialogar. Palabra que si.
