A Mesa pola Normalización Lingüística felicita al PP asturiano por usar «gallego» na Xunta Xeneral
AGORA
La principal asociación de defensa del gallegu alaba a Álvaro Queipo «por usar e defender o uso do galego no Parlamento de Asturias»
28 nov 2019 . Actualizado a las 12:38 h.L'asociación gallega A Mesa pola Normalización Lingüística felicitó esti xueves al diputáu popular asturianu Álvaro Queipo, natural de Castropol, por usar el gallego-asturianu nel plenu de la Xunta Xeneral.
Al traviés de twitter, la principal asociación de defensa del gallegu, quixo felicitar a Queipo «por usar y defender l'usu del gallegu, na variante oriental propia de les Tierres del Eo-Navia, nel Parllamentu d'Asturies», indicaron nun tweet escritu en gallegu normativu colos hashtags #EnGalegoTemosDereito #OficialidadeXa.
Queipo usó esti miércoles el gallego-asturianu na so intervención na Xunta Xeneral pa presentar una proposición non de llei pa la denominación de la Ría del Eo, pero interrumpiólu'l diputáu de Vox Ignacio Blanco, qu'afirmó que nun entendía'l gallegu «o llingua o lo que tea falando, que nun sé lo que ye».
Énte la quexa, el presidente de la Xunta, Marcelino Marcos, recordó que'l reglamentu dexa a los diputaos usar les llingües propies d'Asturies, pero pidió a Queipo que se dirixiera a los diputaos «de manera que toos puedan entendelo». Queipo pasó a usar el castellanu, de la que recordó a Blanco que nun falara en gallegu, sinón en gallego-asturianu, «que ye otra llingua», informó Europa Press.
