Eusquera
L’idioma vascu nos programes de los principales partíos resultantes de les eleiciones autonómiques 2024 pintaba asina según El diario.es:
EH-Bildu, contemplaba la formación d’un Institutu pa l’Alquisición del Eusquera. Propón ufiertar más eusquera a quien menos tiene. Desendolcar la competencia educativa llegal nos centros d’enseñu obligatoriu. Amás d’avenzar nesi sen na FP o na Universidá.
El PNV, formación pa inmigrantes, nel deporte y trabayadores de la hostelería. Propón l’enseñu de baldre en toles estayes, financiación de los Euskaltegis (centros d’enseñu de la llingua p’adultos) y formación específica pa inmigrantes, persones con necesidades especiales y trabayadores d’hostelería, comerciu y servicios. Impulsu del eusquera nel deporte, nes extraescolares de menores,nes empreses y teunoloxíes.
Na Alministración Pública garantizar los drechos llingüísticos y activar a los usuarios pal usu del idioma con normalidá. Amás encamentarán servicios automáticos de torna a los guíes turísticos y sotítulos y doblaxe nel internacional.
El PSE-EE, Barnetegis (internaos) n’inglés. Inmersión trilingüe col inglés, y esparder l’usu del eusquera en toles estsayes de la vida de cotidián. El 62,4 de magar los 2 años, tien dalguna conocencia del eusquera aunque los euskaldunes (que falen y escriben n’eusquera) ye’l 43,3%. Cada vegada hai más falantes según les encuestes d’Eustat. Col 57, 51 en Gipuzkoa, el 37,94 en Bizkaia y el 31,02 n’Araba.
Catalán
L’idioma catalán nos programes de los principales partíos yera’l que vien darréu según Onda cero:
El PSC, quería garantizar los derechos llingüísticos de los catalanofalantes y los castellanofalantes, usando’l catalán como llingua propia de Cataluña. Amás de reforciar l’inglés na escuela.
Junts per Cat, reforzaríala inmersión en catalán y la defensa del sistema educativu catalán. L’algame de nuevos falantes ye una prioridá. Certificaos C1 y C2 pa los trabajadores del seutor públicu. Y añeder la perspeutiva del catlaán nes sovenciones y ayudes públiques.
ERC, fadría una Consellería de Política Lingüística, reforzar la inmersión del catalán y reforcialo como llingua vehicular, y el so deprendimientu pa tola población y estranxeros. Els Comuns, proponíen un Pla Nacional del Català pa reforciar la creación comom ferramienta artística, garantizar la so conocencia y sobrevivencia,y caltener el sistema educativu pa la coexistencia social del idioma propiu. Lo sabe falar el 78,3% y escribir el 75% según la Wikipedia.
Asturianu
La vitalidá d’estos idiomes ta garantizada. Poro, l’apueste pola oficialidá del asturianu ye imprescindible pa la so sobrevivencia. Na viniente cita eleutoral ha ser un puntu cimeru tresversal nos programes políticos de los partíos asturianos. Ye la sienda imprescindible pa la dignificación y normalización social del patrimoniu llingüísticu asturianu.
Protexelu pa caltenelu vivu.