Soi asturiana y soi de pueblu. El mio padre de Tiuya y la mio madre de Bimenes. Dambos vinieron vivir a Xixón fai más de 37 años y yo críeme nesi triángulu Bimenes-Tiuya- Gijon. En Xixón poca xente falaba l'asturianu, anque eso tea camudando, el castellán suel ser la «norma». Una «norma» que nun nos fai meyores, sinón que pela cueta nos torgar rellacionanos de manera más natural cola cultura y l'hestoria de la nuesa tierra asturiana.
Les llingües nun son elementos que dixebren. la so reivindicación y defensa ye la reivindicación y defensa del nuesu legáu cultural como asturianos y asturianes, como ciudadanos y ciudadanes d'un mundu qu'hai que caltener frente a la uniformidá globalizadora.
Si arguyecémonos d'España pola so inmensa diversidá cultural, xeográfica, climática y, poques gracies, gastronómica; ¿porque esa diversidá nun se manifiesta tamién n'ese gran patrimoniu que son les diverses llingües españoles, como l'Asturianu?
Históricamente, l'asturianu foi sinónimu de clases populares, dende el pescadores y el llabradores hasta los mineros. Una llingua que foi vilipendiada pola burguesía y l'aristocracia asturiana, y que lo sigue siendo poles dereches, pero que se caltien viva gracies a qu'eses clases popular ver, dende va décades como nuesa, frente a la homegenizacion cultural pretendida siempres polos mesmos. Si non consiguimos la oficialidá ye, ente otres cuestiones, por una cuestión de clases sociales.
Siento un fondu arguyu de ser asturiana. Quiero siguir creciendo como tal. Sol discursu de «los neños tienen qu'aprender chinu», solo arrenunciar a parte del nuesu legáu cultural como asturianos y asturianes, ye vendenos a un mercáu que nos va engullendo hasta arrampuñanos nuesa identidá, hasta convertinos en pixinos consumidores nun mundu global, esleiendo n'ese proceso la democracia.
Por tou esto, nun siento más que vergoña de tolos que s'oponen a la llibertá llingüística. Oponese a la oficialidá del asturianu, de manera esplícita o falando d'impuestos, ye un ataque a la llibertá llingüística y a la cultura. Ye'l momentu de defender con uñes y dientes la nuesa llingua, hai que caltener viva la llingua asturiana porque non solo forma parte de la nuesa riqueza personal, sinón que tamién, forma parte de la riqueza cultural d'España.