Mercedes Fernández recibe'l 'Madreñazu' pol so «discursu del odiu» hacia l'asturianu
CULTURA
El Pegollu de la xunta Pola Defensa de la Llingua va a la llabor del fútbol n'asturianu nos equipos de Ceares, Rosal, Llosalín y Stiaua d'Asturies
05 dic 2017 . Actualizado a las 13:00 h.La líder del PP d'Asturies, Mercedes Fernández, recibió «pol so discursu del odiu» hacia l'asturianu'l Madruñazu de los Premios Andrés Solar qu'entrega cada añu la Xunta pola Defensa de la Llingua Asturiana (XDLA). Mentanto, la versión positiva, el Pegollu, va pal llabor del fútbol n'asturianu representáu nos equipos U.C. Ceares, Rosal F.C., C.F.F. Llosalín y C.D.E. Stiaua d'Asturies.
Al traviés d'una nota de prensa, la XDLA anunció los ganadores de los Premios Andrés Solar na so XXXIII edición. Los premios tienen la vertiente doble de premiar a una entidá o persona que rescamplara pol so llabor en defensa o promoción del asturianu (Pegollu) y a la persona o entidá que rescamplara pol so llabor negativu pa cola llingua asturiana (Madreñazu).
El Pegollu d'esti añu 2017 quier reconocer el llabor del fútbol n'asturianu representáu nos equipos U.C. Ceares, Rosal F.C., C.F.F. Llosalín y C.D.E. Stiaua d'Asturies, «que vienen llevando alantre proyectos deportivos populares y cooperativos, y que visibilicen l'asturianu nos diferentes materiales que xenera la so actividá».
El Madreñazu foi pal discursu del «odiu y xenófobu» de la líder del PP asturianu Mercedes Fernández, «qu'a lo llargo de los últimos tiempos vien faciendo unes declaraciones cada vez más delirantes y ridícules contra la recuperación del asturianu col únicu fin de arrampuñar cuatro votos de los sectores más ultres y casposos de la sociedá asturiana».
La entrega de los Premios va facese'l sábadu 16 d'avientu a les 18.30 hores nel Antiguu Institutu de Xixón y depués del actu va haber una espicha nel Antiguu Institutu mesmu.