El festival, que se va celebrar del 27 de xunu al 6 de xunetu nel Recintu Ferial Luis Adaro, presenta la so programación completa con artistes de primer orde en toles disciplines
29 may 2025 . Actualizado a las 16:10 h.A un mes de la cita que da'l pistoletazu de salida al branu xixonés, Juan Magán incorpórase al cartelu del festival multidisciplinar Metrópoli. Una de les claves del festival son los sos conciertos, onde vamos poder ver a artistes de primer orde nos sos dos escenarios, de Enol a Fangoria, pasando por Duncan Dhu, Luck Ra, Álvaro de Luna, Juancho Marqués, Recicled J o los yá llexendarios Molotov. Amás d'estos, el cartelu va vese zarráu por Cycle, We are Mono, Carlos Ares, Los Invaders, El Duende Callejero, Bacilos, Salistre, Paula Koops, Ramma y Califato 3?4 y pa zarrar el festival, va celebrase Bresh, la fiesta más llinda del mundu.
Otru de los platos fuertes del festival va ser l'alcuentru con Operación Trunfo, onde vamos tener la visita de dalgunos de los artistes participantes en distintes ediciones del concursu televisivu. Como non too ye música en Metrópoli, tamién cunta con grandes del comic dientro de Comic Con, del 3 al 6 de xunetu, onde va poder vese a Dan Mora, unu de los pesos pesaos actuales del mundu del cómic, que pasó per toles grandes firmes, Daniel Sampere, que cunta con 14 años d'esperiencia en DC Comics, Bruno Redondo, ganador de dellos premios Eisner (los Oscars de los cómics) y que trabayó en Star Wars o DC Comics, Jorge Jiménez, con portaes pa Naruto o Tortúes Ninja y Rafa Sandoval, dibuxante de Absolute Superman.
Metropolitanas, traerá a referentes femeninos dientro del mundu de la ilustración, anguaño cuntamos con Mercrominah, una ilustradora capaz de navegar ente les redes sociales, el branding y el mundu editorial falando de «Traumitas» y «Pandemiah» con un sentíu del humor y un estilu totalmente frescu ya inconfundible.
José Carlos Ibarra, maestru axedrecista, con una carrera digna d'estudiu, non solamente formó parte de la selección nacional 5 vegaes, sinón que tamién se convirtió nun referente: tien la so propia «escuela» llena de cursos y truquinos y conéctase pa falar con tolos sos fans y/o curiosos en Twitch pa facer llegar l'axedrez a tol mundu. Les mascotes tamién tienen el so sitiu en Metrópoli, y vuelve Comic Dog, l'eventu Cosplay onde les mascotes son les protagonistes, premios, animación...