La Xunta pola Defensa de la Llingua Asturiana llama a la movilización pola oficialidá
ASTURIAS
La movilización ta prevista pa esti xueves 3 de febreru, a les 19.30 hores, alredor de la Xunta Xeneral
01 feb 2022 . Actualizado a las 20:11 h.La Xunta pola Defensa de la Llingua Asturiana (XDLA) convocó una movilización pola oficialidá de les llingües d'Asturies énte l'estancamientu na negociación de la reforma del Estatutu d'Autonomía. La movilización ta prevista pa esti xueves 3 de febreru, a les 19.30 hores, alredor de la Xunta Xeneral.
Nuna nota de prensa, la XDLA esplica que se ta viviendo «una etapa fundamental» na negociación pa que los partíos favorables a la oficialidá alcuerden una reforma estatutaria que «por fin reconoza los mesmos derechos a tola ciudadanía, fale la llingua que fale».
D'alcuerdu cola organización, «nun pue perdese más tiempo», porque la reivindicación «sigue tando ehí» ensin resolver «depués de décadas». Los convocantes quieren arrodiar la sede de la Xunta Xeneral con una 'O' de 'oficialidá', formada poles banderes que «enllenaron les cais d'Uviéu nes últimes movilizaciones masives», informa Europa Press.