El programa Afinidaes Electives aporta a les llibreríes asturianes con siete eventos

El Ministeriu de Cultura amplía Afinidaes Electives na so quinta edición. El programa d'alcuentros lliterarios ufierta en 2024 un total de 86 actividaes en llibreríes independientes repartíes per tol estáu español, que van tener llugar ente'l 21 de xunu y el 20 d'ochobre. Del total, 7 van desendolcase n'Asturies. Cada alcuentru axunta a dos autores qu'escriben en distintes llingües d'España, coles mires de dialogar sobre les sos semeyances, diverxencies o conexones.

D'esta manera, les llibreríes asturianes van acoyer los alcuentros de:

- Cuatro Gotes Producciones, en Xixón, va acoyer l'alcuentru de Maria del Carmen Méndez Santos ya Inaciu Galán el 27 de xunu.

- La Crisálida, n'Avilés, va cuntar cola presencia de Jose Fragoso y María Santorum el 21 de setiembre.

- Na Llibrería Trabe, d'Uviéu, van alcontrar afinidaes Dolfo Camilo Díaz y Margarida Aritzeta'l 3 d'ochobre.

- En Kakfa&Co, n'Uviéu, Àngels Gregori y Francisco José Martínez Morán van compartir escena'l 5 d'ochobre.

- La Llibrería La Pilarica, de Mieres, va xunir nun alderique a Inaciu Galán y Mario Obrero'l 10 d'ochobre.

- La Oreja Verde, en Xixón, va ser l'abellugu de les pallabres de Paco Abril y Antonio García Teijeiro'l 11 d'ochobre.

- Matadero Uno, n'Uviéu, va ser el llugar d'alcuentru ente Xosé Iglesias Lamela y Noemí Sabugal el 19 d'ochobre.

L'oxetivu del programa ye impulsar l'actividá de les llibreríes independientes, mesmo que la d'autores. Asina, la creación, la pluralidá y diversidá llingüística y lliteraria van ser los protagonistes de los alcuentros en llibreríes de tol Estáu

---

---

---