Vox critica qu'Asturies imponga la obligatoriedá de la mázcara por un «ataque de llerza» de Barbón
ACTUALIDÁ
«Un usu que nun ta sosteníu en base a causes oxetives», indicó Ignacio Blanco
14 jul 2020 . Actualizado a las 17:10 h.El portavoz del grupu parllamentariu de Vox, Ignacio Blanco, criticó la normativa «desfasada» del Principáu en turismu y llamentó la decisión del Gobiernu asturianu de facer obligatorio l'usu de mázcara polos sos negativos efectos sobre'l sector. A xuiciu de Blanco esti usu obligatoriu respuende a «un ataque de llerza del presidente Adrián Barbón».
«Ye urxente una reforma sobre la normativa del turismu que ta pensáu pal turismu d'hai 20 años, ye necesario flexibilidá mayor. Y agora, pa más inri, el presidente de la comunidá con menos contaxos por coronavirus va facer obligatoriu a partir de mañana l'usu de la mázcara, un usu que nun ta sosteníu en base a causes oxetives, sinón que se fai porque al presidente dio-y un ataque de llerza», indicó Blanco.
Ignacio Blanco facía estes manifestaciones na interpelación nel Plenu a la conseyera de Cultura, Política Llingüística y Turismu, Berta Piñan.