La Conseyería d'Infraestructures va invertir 433.277 euros
04 nov 2019 . Actualizado a las 17:19 h.La Conseyería d'Infraestructures, Mediu Ambiente y Cambiu Climáticu del Gobiernu d'Asturies principió esti llunes, cola instalación del centru de trabayu, les obres d'acondicionamientu de la escamplada de la basílica de Cuadonga, nes que se van invertir 433.277 euros.
Les actuaciones, con un plazu d'execución de trés meses, planiáronse teniendo en cuenta la meteoroloxía de la zona y la llegada de turistes al santuariu. Asina, una tercer parte de les obres va executase no que resta d'añu, otra en primavera y la última n'ochobre de 2020, pa interferir lo menos posible nel accesu al Real Sitiu, informa Europa Press.
Los trabayos consisten na reposición del pavimentu n'estáu malu dende la plaza de la basílica hasta l'empiezu del accesu peatonal a la santa cueva, incluyendo la zona de rodadura, la vía sacra y los aparcamientos asitiaos énte les cases de los canónigos, según informó'l Gobiernu asturianu.
Nestes llabores van utilizar los mesmos materiales qu'existen agora, sacante na zona d'aglomeráu énte les cases de los canónigos, que se va sustituyir por piedra caliar Griotte.