El Ministeriu de Cultura y Correos roblen un conveniu pa favorecer el comerciu de les llibreríes de proximidá

El ministru de Cultura, Ernest Urtasun, y el presidente de Correos, Pedro Saura, roblaron un nuevu conveniu pa dar sofitu a llibreríes de proximidá españoles. L'oxetivu principal del conveniu ye siguir impulsando la digitalización de les llibreríes pequeñu y medianu, sofitando la dotación de los servicios loxísticos necesarios para la vienta online, y ameyorando asina la so competitividá.

Tal como resaltó'l ministru de Cultura, Ernest Urtasun, mientres l'actu de firma, «cada llibru que sal d'una llibrería y llega a casa nun ye solo un paquete: ye una hestoria que nos conecta, tresfórmanos y fainos más llibres como sociedá». Poro, esti alcuerdu va dexar que «cualquier persona, en cualquier llugar, pueda mercar un llibru online na so llibrería de confianza y recibilo en casa», ameyorando asina la competitividá d'estes llibreríes y ampliando la so rede de distribución.

Ente les novedaes qu'introduz l'actual conveniu, han destacase los grandes descuentos que se-y van ufiertar a les llibreríes, que davezu Correos acuta a grandes veceros. Amás, inclúyese'l serviciu de recoyida a casa que los negocios deseyen solicitar, mesmo que facilidaes pa que los veceros puedan realizar devoluciones coles máximes garantíes. El conveniu amplía'l catálogu de productos rellacionaos con unviaes nacionales ya internacionales a disposición de les llibreríes, aumentando'l rangu de pesos de los paquetes, ameyorando la trazabilidá de los unvios y favoreciendo les unvios directos al buzón de los veceros.

Con toes estes midíes, y n'especial l'abaratamientu de los costos d'unviu, les llibreríes van poder aumentar el volume de les sos vientes online, mesmo que llegar colos sos unvios a zones rurales o poco accesibles, fomentando un mayor accesu a la cultura en tol territoriu y ameyorando la so capacidá de distribución al traviés de la rede d'oficines de correos.

---

---

---