La escritora Sara Mesa, autora de llibros como «Un amor» o «Oposición», principal atractivu del primer avance
10 may 2025 . Actualizado a las 05:00 h.Del 18 al 22 de xunu va tener llugar la novena edición de la Feria del Llibru de Xixón que va cuntar cola participación de 64 editoriales, 29 llibreríes y 4 entidaes culturales. La feria, amás de la vienta de llibros, va presentar una amplia programación cultural, entamada pola Rede Municipal de Biblioteques de Xixón, con un gran númberu d'actividaes y eventos lliterarios que van tratar distintos filos temáticos, que adulces la organización va asoleyando:
Geópolis: El (des)orde mundial: La inestabilidá mundial convirtióse nun tema d'interés cotidianu debíu al momentu que vivimos. Autores como Sami Naïr, Marc Marginedas o Andrés Rábago «El Roto» avan formar parte d'esti ciclu. Los resquiebros de lo cotidiano: Ensayu y ficción de la inestabilidá: Al traviés de la ficción y l'ensayu autores como Enrique Vila Matos o Sara Mesa avérennos a situaciones que reflexen los resquiebros que nos dexa la dixitalización, la soledá ensin desear, la burocracia, la precariedá, la desigualdá o la crisis de la suxetividá frutu de la inestabilidá de les nueses emociones y sentimientos.
La mio vida nel arte: El tercer filu temáticu na FeLiX 2025 va amosar personaxes reales que tuvieron relevancia nel mundu del arte, seya cual seya la disciplina, y conviértense en personaxes de ficción per aciu biografíes novelaes y averamientos fieles a la so trayectoria artístico y vital como fai Andrés Neuman cola so hestoria íntima sobre María Moliner.
Amás, esti añu va tener especial relevancia na feria la Zona Moza que va cuntar na Escuela de Comerciu con un espaciu propiu dedicáu puramente a 28 eventos xuveniles: talleres, coloquios, presentaciones de llibros. Con autores como Inma Rubiales y Alina Not. Y un añu más, Felixina, ye l'espaciu que la feria destina a la reciella con once actividaes dinámiques y participatives que se van celebrar na carpa Alborá. Collaboraciones cola Universidá d'Uviéu y con diversos colectivos y asociaciones, vienen completar una nueva edición d'esta feria del llibru, que marca l'entamu de l'actividá cultural braniega na ciudá.