Les persones con interés pueden descargar yá los bonos pa realizar compres hasta'l 30 de xunu
02 may 2025 . Actualizado a las 12:13 h.Empecipia la segunda edición del programa Bonu Comerciu Asturies, una iniciativa entamada pol gobiernu asturianu que busca promover les ventes nel comerciu minorista y na que participen un total de 1.183 comercios de 35 conceyos. Los conceyos con más comercios inscritos son Xixón (469), Uviéu (154), Avilés (88), Siero (50), Llangréu (54) y Villaviciosa (32). La Conseyería de Ciencia, Industria y Empléu valora'l positivu nivel de respuesta del sector. El programa va movilizar trés millones de fondos públicos y prevese un volume de ventes inducíes de 12 millones.
Les persones interesaes pueden descargase los bonos dende güei y hasta'l 15 de mayu, pa trocalos nos comercios disponibles hasta'l próximu 30 de xunu. El procedimientu pal llogru de los bonos articúlase al traviés de la web https://www.bonoscomercioasturias.com o dende l'aplicación móvil Bonu Comerciu Asturies. En dambes opciones, previu rexistru, van poder adquirise los bonos de baldre, que van tener formatu dixital al traviés d'un códigu QR y van tar disponibles pal so usu al traviés de l'aplicación del programa.
Cada persona va disponer d'un máximu de 5 bonos con un valor de 10 euros cada unu -un máximu de 50 euros per persona- que van poder usase n'unu o dellos de los comercios minoristes xuntaos al programa. En total van emitise 300.000 bonos y calcúlase que van beneficiar a unes 60.000 persones. Cada bonu implica un descuentu de 10 euros que se va aplicar sobre una compra mínima de 30. D'esta manera, por cada 30 euros de compra, el veceru namás va abonar 20.