De los espedientes favorables, seis correspuenden al plan pa víctimes de violencia de xéneru y persones oxeto de desahuciu
21 abr 2025 . Actualizado a las 16:27 h.La Dirección Xeneral de Vivienda resolvió'l sestu pagu de la convocatoria d'ayudes al arriendu de vivienda habitual y permanente d'esta llexislatura, que, con un importe de 1,6 millones va beneficiar a 412 families. Otres 182 pidimientos denegaronse por non cumplir colos requisitos y 89 más declararonse desistidas
De los espedientes favorables, 406 correspuenden al programa d'ayudes al arriendu y seis al plan específicu pa víctimes de violencia de xéneru y persones oxeto de desahuciu, ensin llar o especialmente vulnerables.
Esti resolvimientu, que va publicase nos próximos díes nel Boletín Oficial del Principáu d'Asturies (Bopa), ye el segundu que se realiza con cargu a los presupuestos del Principáu p'anguaño, que destinen a estes polítiques una partida total de 10 millones. La primera, resuelta yá'l 8 de xineru por 414.895 euros, benefició a 102 solicitantes.
La Conseyería d'Ordenación de Territoriu, Urbanismu, Vivienda y Derechos Ciudadanos executó l'añu pasáu'l cien per cien del creitu disponible pa l'ayuda al arriendu por cuatro resolvimientos, que sumaron una inversión de 6,1 millones y beneficiaron, con una media de 4.392 euros per solicitú, a 1.517 families.
Los sofitos al arrendamientu del de pisu habitual y permanente enmá rquense nel Plan Estatal de Vivienda 2023-2025, que destinaba a Asturies 6.143.450 euros en 2024 y 10.001.674 en 2025. De los 16.145.123 euros que sumen dambos exercicios, l'Estáu apurre'l 52% (8.429.291 euros), mientras que'l Gobiernu d'Asturies faese cargu del 48% restante (7.715.832 euros); informó Europa Press.