La idea ye rendiyi tributu a la so memoria coles coses que-y prestaben, aquelles sobre les qu'escribía y nes que militaba
20 abr 2025 . Actualizado a las 18:34 h.La Xunta pola Defensa de la Llingua Asturiana ta preparando l'actu Universu Damián, un homenaxe «con munchu ciñu» al so compañeru, periodista y escritor, Damián Barreiro. L'actu ta programau pal vienres 2 de mayu, a les 19:30 hores na Casa la Cultura d'Avilés.
La organización esplica al traviés d'una nota de prensa que l'actu ta pensáu «con munchu ciñu» y «ta fechu d'amistá», por xente que quería a Damián y que va recordalu a «la so manera». La idea, según recueye Europa Press, ye rendiyi tributu a la so memoria coles coses que-y prestaben, aquelles sobre les qu'escribía y nes que militaba.
Dende la Xunta piden confirmar l'asistencia primero del 25 d'abril y recuerden que va ser un día «mui especial». P'anuncialo, un amigu fizo un cartel como homenaxe coles coses qu'a él-y gustaben. «¡Tai sollertes, porque vamos adelantándovos más coses!», señalen na so red social X.