Asturies espera un 80% d'ocupación en campings esta Selmana Santa, a pesar de la «incertidume climática»
AGORA
Respecto a pernoctaciones, Asturies rexistra un aumentu d'un 48,5%
10 abr 2025 . Actualizado a las 13:46 h.Los campings d'Asturies preven una ocupación media del 80% na Selmana Santa, según datos de la Federación Españoña de Campings (FEEC), qu'apunta a una posible variación de los datos por cuenta de la «incertidume climatolóxica». Tal y como informó la FEEC esti martes por nota de prensa, Asturies asítiase como la sesta autonomía con mayor medría de viaxeros nel periodu 2015-2024. En concretu, algama una crecedera d'un 56%, que supera la media nacional, afitada nun 52,5%.
Respecto a pernoctaciones, Asturies rexistra un aumentu d'un 48,5%, y asítiase como la quinta comunidá con meyores cifres, por debaxo de País Vascu (101,2%), Andalucía (47,2%), Navarra (69,4%) y Madrid (52%).
Ocupación media de los campings
A nivel nacional, la FEEC preve una ocupación media d'un 85% nos campings d'España. En concretu, les parceles al aire libre p'autocaravanes, campers y caravanes atópense na actualidá en un 70%. Per otra parte, la FEEC afita la ocupación de bungalows en tol país en «prácticamente al 90%». «En función de les reserves d'última hora, podríen llegar al 95%», añeden.
Los porcentaxes d'ocupación podríen variar según la zona. Los campings de mariña, en Comunidad Valenciana, Andalucía, Murcia y Barcelona podríen algamar una ocupación ente'l 85% y el 90%. Nel interior, les previsiones n'establecimientos de Navarra, La Rioxa, Aragón, Comunidá de Madrid, Castiella y Llión, Castiella-La Mancha o Estremadura ronden el 75% «dependiendo que pueda xubir o baxar la so ocupación en función de la meteoroloxía», esplica la FEEC. La estancia media pa esta Selmana Santa ye de 5 díes con un gastu mediu diariu per familia de 180-220 euros.