Dos estudiantes de mirandés visiten Asturies con una beca pa conocer la cultura común y dar una charra en Xixón
AGORA
Estos díes van percorrer distintos espacios clave de la vida cultural y llingüística d'Asturies
09 abr 2025 . Actualizado a las 11:55 h.Dos mozos del norte de Portugal, Isaac y Sara, estudiantes destacaos de la llingua mirandesa, van pasar esta selmana en Xixón gracies a la beca Agabones Família Schmidberger Fernandes, que inclúi una estancia cultural de siete díes na Residencia Lliteraria Xixón. Trátase a un reconocimientu por haber sío los alumnos más comprometios col estudiu del mirandés, la variedá del asturianu que se fala na zona de Miranda del Douro. L'oxetivu de la beca ye conocer de primera mano los raigaños comunes que unen dambes llingües y territorios.
Estos díeas van percorrer distintos espacios clave de la vida cultural y llingüística d'Asturies, como'l Muséu del Pueblu d'Asturies, la Xunta Xeneral o l'Academia de la Llingua Asturiana. Un de los momentos más destacaos del viaxe va ser la charra que van dar a alumnáu d'asturianu en Xixón, onde van falar del mirandés, la so esperiencia educativa, y afondar na comunicación ente los dos territorios que comparten llingua magar les distancies.
La familia Schmidberger Fernandes, mecenes de la beca, esplica que con esta iniciativa quieren «amosar l'amor y ciñu pola cultura y llingua mirandesa, ya» incentivar l'estudiu y la preservación del mirandés, informa Europa Press.