El Certame «Mánfer de la Llera» premia los meyores relatos n'asturianu con hasta 1.600 euros
AGORA
El xuráu, compuestu por espertos de la lliteratura y la cultura, va poder declarar desiertos los premios si considera que les obres presentaes nun axunten los méritos abondos
25 mar 2025 . Actualizado a las 18:50 h.La Sociedá Cultural La Montera llanz'l III Certame Internacional de Cuentos Curtios «Mánfer de la Llera», un concursu lliterariu abiertu a toles persones comenenciudes en compartir el so talentu na escritura d'obres n'asturianu, con premios que suben hasta los 1.600 euros.
El certame cunta con dos modalidaes: asturianu y castellán, con categoríes para mayores y menores d'edá y los participantes van poder presentar relatos inéditos n'asturanu que nun fueren premiaos n'otros certames, repetando un formatu de lletra Times News Roman, tamañu de fonte 12 a doble espaciu y marxes estándar.
La recepción d'obres orixinales yá ta abierta, y remata el 2 de mayu, hasta entós, puen unviase los relatos en formatu dixital o físicu.
Premios
El premiu para obres n'asturianu xube a 1.600 euros pa mayores d'edá y a 400 pa los menores, y les obres en castellán puen optar a un premiu de 800 euros para mayores d'edá y 200 euros para menores.
El xuráu, compuestu por espertos de la lliteratura y la cultura, va poder declarar desiertos los premios si considera que les obres presentaes nun axunten los méritos abondos. Amás, les obres premiaes van quedar en poder de la Sociedá Cultural La Montera, que va poder publicar y editales n'una futura escoyeta.
Cada relatu, que va poder tener una estensión d'ente dos y diez páxines, va presentase bajo un pseudónimu, garantizando l'anonimatu del autor o autora hasta'l resolvimientu del certame. Los galardonaos van ser anunciaos a finales d'agostu y l'entrega de premios ta programada pa setiembre, informa Europa Press.