Asturies ye, con Murcia, Álava y interior de Valencia, ún de los pocos territorios peninsulares que nun tien un atles llingüísticu qu'abarque la totalidá del so espaciu xeolectal
24 ene 2025 . Actualizado a las 14:11 h.El grupu d'investigación de la Universidá d'Uviéu 'Seminariu de Filoloxía Asturiana' (SFA) va poner en marcha'l proyectu 'Atles Llingüísticu del Asturianu' (ALAS), que se va presentar nel Congresu Internacional de Llingüística y Filoloxía Romániques, na ciudá italiana de Lecce en xunetu del 2025.
Los trabayos d'encuestación pal ALAS entamaron sobre'l terrén hai seis meses. Dirixíu por Ramón d'Andrés, Xulio Viejo y Miguel Rodríguez Monteavaro, l'Atlas básase nun cuestionariu d'unos 500 fenómenos llingüísticos (vocálicos, consonánticos, morfosintácticos nominales y morfosintácticos verbales) y una rede d'encuestación de 90 llugares del asturllionés d'Asturies.
Según indicaron dende'l SFA esti viernes, Asturies ye, con Murcia, Álava y interior de Valencia, ún de los pocos territorios peninsulares que nun tien un atles llingüísticu qu'abarque la totalidá del so espaciu xeolectal.
Los investigadores del Seminariu yá trabayaron nel atles qu'analiza la frontera ente'l gallegoportugués y l'asturllionés n'Asturies, y el qu'investiga'l tramu de la frontera ente l'asturianu occidental y central, informa Europa Press.