La Xunta promueve la traducción d'obres gallegues al asturianu cola estadía de Inaciu Galán na Residencia Xacobeo
AGORA
Trátase de la iniciativa qu'impulsen la Consellería de Cultura, Lingua y Xuventude y la Residencia Literaria 1863 y que, pela primer vez, va cuntar con un escritor de la península que va trabayar nun proyectu de traducción al asturianu
20 ene 2025 . Actualizado a las 17:12 h.La Residencia Xacobeo va acoyer nel mes de marzu al asturianu Inaciu Galán, ganador de la estadía na que va facer el so proyectu de traducción d'obres gallegues. Trátase de la iniciativa qu'impulsen la Consellería de Cultura, Lingua y Xuventude y la Residencia Literaria 1863 y que, pela primer vez, va cuntar con un escritor de la península que va trabayar nun proyectu de traducción al asturianu.
Al traviés de la Residencia Xacobeo, Inaciu Galán va ser el quintu traductor que se beneficie d'esta iniciativa, depués de los estaounidenses Jacob Rogers, Kathleen March y Lindsay Semel, y el letón Arvis Viguls.
La collaboración de la Xunta de Galicia y la entidá con sede n'A Coruña xestionada por Yolanda Castaño, xestora cultural y poeta, ganadora del Premiu Nacional de Poesía 2023, promueven esta residencia, pela quinta edición consecutiva, pa promocionar la traducción de la lliteratura en gallegu y, d'esta manera, impulsar les lletres gallegues tanto nel panorama nacional como nel esterior.
L'escritor y periodista Inaciu Galán va aprovechar el so pasu pela ciudá herculina pa poner en marcha'l so proyectu lliterariu, cola finalidá d'escoyer mediu cientu de poemes d'autores actuales, menores de 35 años y que nesti momentu sían referentes na lliteratura gallega, pa preparar una antoloxía billingüe, traducida al asturianu.
La Residencia Xacobeo ufierta una estadía completa, amás daccesu a museos, biblioteques, conciertos, alcuentros lliterarios, obres de teatru y otros eventos na ciudá d'A Coruña.