El Congresu Mundial de Cultura Asturiana va celebrase na Universidá d'Uviéu ente'l 4 y el 7 de febreru
AGORA
Amás de siete conferencies plenaries al cargu d'antropólogos con impautu internacional, el CMCA25 ufierta más de 50 ponencies en dos meses simultánees, una esposición y dellos actos protocolarios
17 ene 2025 . Actualizado a las 12:19 h.El Congresu Mundial de Cultura Asturiana (CMCA25) va celebrase ente'l 4 y el 7 de febreru nel Edificiu Históricu de la Universidá d'Uviéu y va tener alredor de sesenta contribuciones académiques.
El Congresu ta entamáu pola Academia de la Llingua Asturiana (ALLA) cola collaboración de la Universidá d'Uviéu y la Conseyería de Cultura, Política Llingüística y Deporte del Principáu d'Asturies.
Amás de siete conferencies plenaries al cargu d'antropólogos con impautu internacional, el CMCA25 ufierta más de 50 ponencies en dos meses simultánees, una esposición y dellos actos protocolarios.
Na inauguración, que va celebrase na biblioteca central de la Universidá d'Uviéu, ta confirmada la participación del rector Ignacio Villaverde y del presidente del Gobiernu del Principáu d'Asturies, Adrián Barbón, informa Europa Press.