Van sumase a esta celebración un coru de venticinco profesores, dalgunos d'ellos n'activu y otros yá xubilaos, y alumnáu del colexu Aniceto Sela
11 dic 2024 . Actualizado a las 16:20 h.El xueves 19 d'avientu a les 19.00 hores, l'Auditoriu de Mieres va acoyer l'espectáculu 'Asina suenen los cantares de Xentiquina y Nacho Fonseca', nel que van participar 140 coralistes y que va homenaxar al profesor y autor de los cantares que foron la banda sonora de munches xeneraciones d'estudiantes de llingua asturiana y tamién de música.
Aprovechando qu'anguaño se publicó'l llibru 'Cantares pa la Xentiquina, una selección sentimental de Nacho Fonseca', el Conceyu de Mieres entama esti espectáculu con música en directo nel que profesoráu y alumnáu del Conservatoriu municipal van interpretar esos cantares. Van sumase a esta celebración un coru de venticinco profesores, dalgunos d'ellos n'activu y otros yá xubilaos, y alumnáu del colexu Aniceto Sela.
Nacho Fonseca y Alicia Álvarez, periodista, componente del grupu Pauline en la playa y editora d'esti llibru, van presentar los cantares que van sonar. Los arreglos musicales de los cantares realizáronlos los profesores del Conservatoriu que van ser tamién los que van integrar les distintes formaciones instrumentales.