El Principáu va convocar en 2025 una llinia d'ayudes p'amenorgar les pérdigues pola collecha mala de faba
AGORA
El conseyeru esplicó qu'hai una «singularidá» p'aquellos que tean dientro de la DOP, porque van tener más ayudes de la Política Agraria Comunitaria
06 dic 2024 . Actualizado a las 11:14 h.El conseyeru de Mediu Rural y Política Agraria, Marcelino Marcos, anunció que'l so departamentu va convocar en 2025 una llinia d'ayudes p'amenorgar les pérdigues causaes pola collecha mala de faba d'anguaño.
A entrugues de los medios esti xueves n'Uviéu depués de la xunta del Conseyu Agrariu, Marcos posicionóse sobre la reclamación del sector de midíes urxentes énte la collecha mala de faba d'anguaño poles condiciones meteorolóxiques marcaes pola humedá escesiva que xeneraron enfermedaes nos cultivos.
Nesi sentíu, el conseyeru esplicó qu'hai una «singularidá» p'aquellos que tean dientro de la DOP, porque van tener más ayudes de la Política Agraria Comunitaria, «pero treslladémos-yos tamién que nel 2025 vamos habilitar una convocatoria d'ayudes específica y singular a los productores de faba que tean incluyíos na denominación», informa Europa Press.