El xuráu escoyó el poemariu «Rumbu», un trabayu que fai un homenaxe a la xente marinero
14 nov 2024 . Actualizado a las 13:06 h.Alfredo Garay Menéndez resultó ganador del Premiu Teodoro Cuesta de Poesía, qu'entama'l Conceyu de Mieres, na so XXXIII edición, con Rumbu. El xuráu, reuníu esti miércoles, escoyó esti poemariu ente los 14 presentaos, destacando la voz poética dende la que ta construyíu, asina como'l so tonu llíricu que recalca'l simbolismu, nun trabayu que fai un homenaxe a la xente marinero.
El xuráu tuvo formáu por María Jesús Rodríguez Guillón, Milio Ureta Soto, Pablo Rodríguez Medina, Esther Prieto Alonso y Laura Marcos Domínguez, actuando como presidenta del mismu Belén Alonso Losa, conceyala d'Educación y Normalización Llingüística de Mieres, y como secretaria Luisa Suárez Sáez, técnica de Normalización del Ayuntamientu.
El Premiu Teodoro Cuesta, dotáu con 4.000 euros, creóse nel añu 1991 y considérase'l más prestixosu de los que se convoquen n'Asturies nel ámbito la poesía, contando nel so palmarés con autores de prestixu de les lletres asturianes como Berta Piñán, Xuan Bello, Lourdes Álvarez o Vanessa Gutiérrez.
Alfredo Garay Menéndez tien publicaos tres llibros de poemes y participó en distintes antoloxíes, amás de recibir distintos premios y accésits en dellos certámenes lliterarios, informa Europa Press.