Algamen la so edición númberu 42 nel Campus d'El Milán con ponencies, comunicaciones y presentaciones
04 nov 2024 . Actualizado a las 18:45 h.Les Xornaes Internacionales d'Estudiu de l'Academia de la Llingua Asturiana (ALLA) algamen la so edición númberu 42 ente'l martes y el xueves de la selmana viniente nel Campus d'El Milán con ponencies, comunicaciones y presentaciones.
Nes actividaes va participar Elena E. Rodríguez, de la Universidá de Huelva, que presenta El códice del Fueru Xulgu de la Biblioteca Estatal de Baviera: cuestiones de datación y localización. Per otru llau, Reina Bastardas, de la Universitat de Barcelona, y Julen Manterola, de la Euskal Herriko Unibertsitatea, van facer una Revisión crítica de las etimologías vascas del Diccionariu Etimolóxicu de la Llingua Asturiana (DELLA).
P'acabar coles conferencies, José Antonio Fernández Vior, de l'Academia de la Llingua Asturiana, va falar de les normes ortográfiques del gallego-asturianu, y, finalmente, Hugo Carbonnelle, de la Sorbonne Université, va falar De la evolución y del mantenimientu del sufixu protorromanu /-'jone/ n'asturianu: enfoque morfolóxicu y diacrónicu.
Con un pesu destacáu dientro del programa, les dieciséis comunicaciones previstes van presentase en seis meses, dos en caúna de les tardes. Los temes van dende la obra del Padre Galo o'l costumismu a la sociollingüística o la toponimia. Completen estes Xornaes les tres presentaciones previstes. Ana María Cano y Carlos Lastra van mostrar el conteníu de los númberos más nuevos de les revistes Lletres Asturianes y Ciencies: Cartafueyos Asturianos de Ciencia y Teunoloxía.
Per otru llau, Jacinta Bujanda va ufrir Un homenaje a la lengua de mis abuelos a través de la creación de una Lotería Asturiana, y Pilar Fidalgo Pravia y Carmen Muñiz Cachón van desplicar La traducción d'Exercicios d'estilu de Raymond Queneau, informa Europa Press.