La stolpersteine fai alcordanza de Manuel Villares Arias, que finó nel campu de concentración de Mauthausen
18 oct 2024 . Actualizado a las 05:00 h.Castropol cunta yá cola primer piedra de la memoria, que ye tamién la primera nel occidente, pa recordar a Manuel Villares Arias, víctima española del nazismu deportáu al campu de concentración de Mauthausen, n'Austria, onde morrió con apenes 29 años. Cola colocación d'esti Stolpersteine, como se conoz esti proyectu de recuperación de la memoria, Asturies tien yá 45 de los cerca de 190 adoquinos previstos.
La instalación de la piedra de la memoria fíxose na parroquia de Barres, onde nació Manuel Villares Arias el 1 de xineru de 1913. Exilióse a Estrasburgo (Francia) y, dende ellí, deportáronlu al campu de concentración de Mauthausen-Gusen el 13 d'avientu de 1940, onde lo asesinaron el 15 de xineru de 1942.
El proyectu Stolpersteine empezó en 1992 como una idea personal del artista alemán Günter Demnig pa rindir tributu a les víctimes del Holocaustu y caltener viva la so memoria. Ye un fenómenu internacional que yá llogró instalar más de 100.000 piedres en toa Europa.
La palabra Stolpersteine significa ‘piedra nel camín que puede facer zarapicar’. Cada adoquín lleva una placa onde se graba'l nome de la persona, la so fecha de nacencia, la fecha de deportación o arrestu, y la fecha y llugar de la so muerte. Suel asitiase frente al llugar de nacencia o nel últimu llugar de residencia de la víctima.