«Col asturianu xugamos n'equipu», el lema d'esta edición
05 oct 2024 . Actualizado a las 05:00 h.El Muséu del Pueblu d'Asturies de Xixón acueye'l sábadu 5 d'ochobre'l XI Día de la Reciella sol lema «Col asturianu xugamos n'equpu», con un completu programa d'actividaes, qu'inclúi espor, teatru, música, baille, moda o gastronomía ente otros.
Ente la variada programación destaca la tradicional carrera, Entaína, que llega esti añu a la so sesta edición, xunto cola exhibición de rugby al cargu de Xixón Rugby, la visita de los Sidros de Sidros y Comedies «El Cencerru» o'l Mundial InterReciella de fútbol comentáu. Tamién habrá tiempu pa la música cola actuación d'Alicia Álvarez y David Varela con Canciones pa la Xentiquina y mientres tol día va haber un mercadín de lliteratura, música y moda.
Esti añu, el Día de la Reciella vieno acompañáu d'un cantar nuevu, protagonizáu pol artista Mostru l'Horru que lleva por títulu «Xugando n'equipu», mesmu lema que'l de la celebración. Nel videoclip participaron l'Unión Club Ceares, Gijón Femenino, Veriña, Círculo Gijón Baloncesto, Gijón Skates, Club Escuela de Ciclismu Las Mestas, BMG Balonmano Gijón, La Güestia Roller Derby y Rugby Llanes.
El cantar ta grabáu mezcláu y masterizáu en ZL Audio, mientres que la grabación del videoclip, producida por Algamar Producciones, Chusa Rodrigo y Sofía Castañón, dirixóla Pablo A. Quiroga Prendes, grabóla Alejandro Nafría y collaboró Cuatro Gotes Producciones.