Los hestóricos Llan de Cubel, xunto con alineaciones más nueves como Guieldu o Deira, protagonicen el cartel
28 ago 2024 . Actualizado a las 12:52 h.40 años dícense pronto, pero son los que, esti añu, cumple la Noite Celta de Porcía, l'eventu decanu n'Asturies rellacionáu cola música tradicional del arcu atlánticu. Pa conocer l'aniciu d'esta hestoria hai que remontase al añu 1984, cuando los vecinos s'axuntaron pa entamar esta iniciativa que, tres tantos años depués, sigue siendo un momentu clave nel calendariu de la música n'Asturies.
Dende l'anu 1995 esta iniciativa vecinal axúntase na Asociación Cultural Alameda, con see nesti mesmu llugar que, dende entós, ye la entidá responsable de la so organización. Nel Campu de l'Alameda, un islla fluvial arrodiada pol ríu de Porcía, danse cita cada añu cientos de persones aficionaes a la música folk, que pueden esfrutar d’una contorna privilexiada nel que sentir a los y les meyores intérpretes del xéneru y probar las yá tradicionales sardines a la plancha que s’ufierten de baldre a los asistentes.
Esti 2024, la Noite Celta celebra'l so cuarenta aniversariu con una escoyeta de la meyor música del arcu atlánticu. Contará cola Banda de Gaites Marino Tapiega (Asturies), la banda de newage que vien de tocar n'Ortigueira nel añu 2023, Guieldu (Asturies), los hestóricos Llan de Cubel, que son perconocíos nesta fecha de la música folk (Asturies), los bretones Startijenn (Breizh), única banda que vien d'otra parte del arcu atlánticu y Deira Band (Asturies). Los conciertos van empezar a les 21:30 hores. La música y la celebración esperen en Porcía un añu más, y que seyan por otros cuarenta.