La segunda edición de la Summerschool Rurápolis va tener llugar n'Asturies con ponencies y meses redondes, esploración prospectiva, taller de construcción y una performance
22 ago 2024 . Actualizado a las 12:42 h.Llaboral Centru d'Arte va acoyer los díes 29 y 30 d'agostu charres y meses redondes abiertes al públicu, nel marcu de la Summerschool Rurápolis. De la mano d'espertos reconocíos a nivel européu, van tratase temes como la presencia de ruines rurales ya industriales y la so reactivación al traviés de práctiques arquitectóniques.
Esta escuela de branu —na que van participar un total de 35 estudiantes d'arquitectura y de diseñu, mesmo qu' un equipu de 12 profesores internacionales—, propón un formatu innovador que combina la teoría y práctica arquitectónica y pretende facer propuestes frente a la despoblación rural ya industrial. La so programación va desenvolvese en delles llocalizaciones d'Asturies ente'l 29 d'agostu y el 7 de setiembre ya inclúi ponencies, esploración prospectiva, taller de construcción y una performance.
Les xornaes que se van desenvolver en Llaboral, van empezar el xueves 29 d'agostu, con una curtia presentación, siguida poles charres de Jaime Izquierdo Vallina, Susanne Stacher y una mesa redonda moderada por Ícaro Grueso Muñiz que, amás, va cuntar cola presencia de Fernando García Dory, director del colectivu Inland. El vienres, 30 d'agostu, van tener llugar les ponencies de Sergio Sebastián y del estudiu francés Dechelette Architecture, rematando cola mesa redonda que va moderar Non-City. Too ello va cuntar con un sistema de traducción simultánea d'Intelixencia Artificial. Los oxetos arquitectónicos realizaos nel taller de construcción van presentase nel Pozu Espinos (Mieres) el vienres, 6 de setiembre, con una performance a cargu del colectivu musical Lofácil, residentes na II Convocatoria de Residencies Artístiques 2023 de Llaboral Centru d'Arte.
La Summerschool forma parte d'un procesu d'investigación más ampliu tituláu Rurápolis, que foi escoyíu na V Convocatoria de Residencies Llaboral Impulsa entamáu por Llaboral y Xixón Impulsa. El proyectu básase na fuerte presencia de ruines rurales n'España, onde miles de pueblos quedaron despoblaos pol éxodu rural. El procesu d'investigación propón una estratexa de reactivación en rede de pueblos, aldegues y sitios industriales abandonaos, yá que'l so clima puede facelos viables y atractivos de nuevu, sobre manera énte les previsiones actual y futuru de cambéu climáticu. Esta reactivación de les ruines rurales materialízase por aciu l'usu de técniques de construcción ecolóxiques, partiendo del suelu o de la tierra.