Mientres diez díes, decenes d'autores van pasar pelos escenarios d'una edición anovada
05 jul 2024 . Actualizado a las 10:34 h.La Selmana Negra y el branu en Xixón nun s'entienden si nun van a comuña. Poro, esti vienres 5 de xunetu vuelve una edición nueva del eventu lliterariu que suma yá 37 ediciones nos que pasó per varies llocalizaciones pero que, anguaño, asitiase nos antiguos astilleros de Naval Xixón, un sitiu hestóricu na ciudá y que entronca bien col sentir del festival.
Nesta edición, son munches les propuestes que la organización quier visitar a los visitantes. Dende conciertos a presentaciones pasando per meses redondes, alderiques, esposiciones... y, como siempre el periódicu de la Selmana Negra, onde van recoyese hestories perinteresantes del festival.
Son munchos los nomes conocíos d'autores asturianos, mesmo que d'otros puntos del estáu y del mundu. D'esta manera, fixos na Selmana Negra como Luis García Montero o Paco Ignacio Taibo II van tar presentes, pero tamién otros nomes como Berta Piñán, Noemí Sabugal, El Chojin, Jesus Cintora o tamién el so antiguu director, Ángel de la Calle, ente otros.
Nun va faltar tampoco la velada poética, como tampoco lo van facer los conciertos, d'ente los que destaquen los nomes de Pauline en la Playa, Pedro Guerra o Pancho Varona. La lliteratura aportó a Xixón cola FeLiX y agora vuelve cola Selmana Negra. Preparen les sos mentes llectores.