Xixón va tener esti sábadu 25 de mayu'l so primer conciertu con Airbag y Lucy como protagonistes
22 may 2024 . Actualizado a las 13:00 h.Avérase'l momentu d'esfrutar de los meyores artistes nacionales ya internacionales nos festivales españoles como Mad Cool Festival, que se va celebrar en Madrid del 10 al 13 de xunetu. Y primero qu'empiece la so séptima edición, llega la Xira Vibra Mahou by Mad Cool, un tour que, per cuartu añu, lleva a grandes a sales de distintos rincones del estáu con un total de seis conciertos.
Ente les cuatro úniques ciudaes va tar Xixón, que va tener esti sábadu 25 de mayu'l so primer conciertu con Airbag y Lucy como protagonistes. El segundu directu va llegar el vienres 14 de xunu, que va ser cuando se xuban al escenariu Zetazen, Nikone y Xavi Fornaguera. Dambos shows van tener llugar na Sala Albéniz.
Un añu más, la Xira Vibra Mahou by Mad Cool, que tamién va pasar per Madrid, Bilbao y Valencia, vuelve a les sales pa regalar a los sos asistentes una esperiencia única na que poder esfrutar de bandes reconocíes n'espacios más pequeños y vivir asina la maxa del directu d'otra manera. Pero non solo va haber bandes asentaes, y el talentu emerxente tamién va tar presente. Asina, Lucy, Patricia Lint y Xavi Fornaguera, amás de tocar nunu de los escenarios del festival madrilanu, tamién lo van facer nes sales al formar parte de la xira.
La Xira Vibra Mahou by Mad Cool va dar empiezu de la mano d'AIRBAG, una de les grandes bandes arxentines que lleva más de dos décades siendo unu de los nomes de referencia del rock llatinu gracies a la so amplia colección de hits d'altu voltaxe y la so ablucante presencia escénica. El grupu va ufiertar un total de trés conciertos nos que va tar acompañáu por Lucy, una girlband punk madrilana con verdaderu amor pola música que resultó ser una de les ganadores de la pasada edición de Mad Cool Talent by Vibra Mahou. En Xixón va ser el día 25 de mayu nel Teatru Albéniz.
Tres esta combinación esplosiva, la xira va siguir con Zetazen y Nikone, dos de les propuestes más interesantes de la escena urbana del estáu, que van tar presentes col so rap en Xixón el 16 de xunu nel Teatru Albéniz. Zetazen consolidó la so posición como una de les voces más influyentes del xéneru urbanu, componiendo temes colos que consigue conectar col públicu. Nikone, pel so llau, comparte col primeru los sos oríxenes madrilanos y el so don pa ufiertar el meyor rap en directu alcanzáu los primeros puestos nes llistes d'ésitos gracies a un estilu qu'entemez los sos raigaños hip-hop con toques reggae y flamencos. L'encargáu de telonear a dambos va ser el ganador de la pasada edición de Mad Cool Talent by Vibra Mahou, Xavi Fornaguera, un apasionáu de la música dende mozu que va empecipiar estos conciertos regalándo-y al públicu'l so meyor pop.