Va ser esti vienres, 24 de mayu, de magar les 20.30 hores, dientro de la xira-presentación qu'empezó collechando sold outs como'l del Café La Palma en Madrid
21 may 2024 . Actualizado a las 11:49 h.Mardom, artista asturianu qu'entemez el soul y el funk col indie español llega a La Salvaje p'amosar en primicia el so primer álbum «Mardom» que va salir esti 2024. Va ser esti vienres, 24 de mayu, de magar les 20.30 hores, dientro de la xira-presentación qu'empezó collechando sold outs como'l del Café La Palma en Madrid o tocando nel festival «Emerxentes Asturies» na Sala Acapulco de Xixón. De la mesma, foi nomáu a los premios AMAS a meyor banda sonora orixinal del curtiumetraxe de ficción Asíncronos que'l mesmu artista dirixió.
Detrás de Mardom ta Nacho García, ñacíu en Xixón en 1998 ya influyíu por xéneros como'l Soul, Rock, Blues y el Indie español, dando forma al so proyectu musical denomináu Mardom. El nome del proyectu fai honor al segundu apellíu de la so madre, representando un tributu a una llinia familiar perdida nel tiempu. Pa Nacho, lo audiovisual xuega un papel fundamental na so obra. Dirixió tolos sos videoclips hasta la fecha, mesmo qu'el curtiumetraxe Asíncronos, que recibió'l premiu del públicu al meyor curtiumetraxe nel Festival Cortogijón. Anguaño asitiáu en Madrid pa concentrar la so carrera musical y compatibilizándola cola so formación médica, ta en xira presentando lo que va ser el so primer álbum homónimu, tituláu Mardom que se va publicar na seronda. El pasáu 18 d'abril llanzó sol sellu Entrebotones el so primera single adelantu Xineru teniendo un gran acoyida. El 23 de mayu llanza en formatu EP Soul Happy.
Xunto con Mardom xúnese Triple Malta, banda asturiana integrada por cuatro muyeres que pisen fuerte l'escenariu a ritmu de rock llixeru que recuerda a los soníos del indie nacional. Dos vegaes finalistes del Festiamas y en presentando el so primera EP el pasáu setiembre de 2023, prepárense pa sacar un nuevu single que va dar un xiru de 180º al so soníu tres ganar los premios COMA 2023. Ensin abandonar la esencia de les sos lletres y el so estilu, empecipien nueva etapa que va dir revelando nuevos cantares coles que siguir moviendo al públicu y facelu esfrutar.