El ciclista de 24 años, ñacíu en Teyego, foi'l más rápidu nel final d'etapa con Alaphilippe y Plapp. Los trés diben escapaos y él foi'l más fuerte na meta
09 may 2024 . Actualizado a las 18:15 h.Victoria asturiana nel Giro d'Italia. L'asturianu Pelayo Sánchez Mayo, del equipu Movistar, llevó la etapa d'esti xueves, la sesta, con final en Rapolano Terme. El ciclista de 24 años, ñacíu en Teyego, foi'l más rápidu nel final d'etapa con Alaphilippe y Plapp. Los trés diben escapaos y él foi'l más fuerte na meta.
Sánchez yá destacó na so etapa junior, dientro del proyectu de Samuel Sánchez, MMR Academy, n'Asturies. Saltó al profesionalismo nel Burgos BH en 2021 y tuvo delles actuaciones na Vuelta a España, sobremanera nes etapes que trescurríen pela so tierra. Sicasí, 2022 foi complicáu, por cuenta de los problemes de salú. Yá en 2023 marca un segundu puestu nel Troféu Pollença de la Challange de Mallorca. Esi mesmu añu ganó la última etapa de la Vuelta a Asturies con meta n'Uviéu, siendo profeta na so tierra.
Na cabera edición de la Vuelta a España amosó una bona forma, pero nun foi quien a llevantar los brazos na llinia de meta. Agora, el 9 de mayu, consigue la primer de les victories nuna de les trés grandes vueltes del WorldTour énte rivales de munchu caché. L'asturianu celebró ablucáu en meta la victoria. Ensin dulda, un pasu alantre na so carrera como ciclista profesional.