El sistema de selección va ser el concursu de méritos
24 oct 2023 . Actualizado a las 05:00 h.El Conceyu de Llangréu va caltener abiertu, hasta'l 31 d'ochobre, el plazu de presentación de solicitúes par la contratación temporal de personal con destín a contratos de trabayu en práctiques 2023. En total van ufiertase 10 places.
El sistema de selección va ser per aciu concursu de méritos. Asina, los contratos de trabayu pal llogru de la práctica profesional van dir destinaos a mozos titulaos paraos menores de 30 años que tean inscritos como beneficiarios nel Ficheru del Sistema Nacional de Garantía Xuvenil.
Nesti sentíu, los perfiles ufiertaos pol consistoriu llangreanu son: una plaza de grau en Derechu o Grau en Derechu con master Universitariu n'Abogacía; una plaza de Grau en Trabayu Social; una plaza de Grau en pedagoxía; una plaza de Grau en Turismu o Técnicu cimeru en Guía, Información y Asistencies turístiques; y 6 places en Técnicu Cimeru en dalguna de les especialidaes de la familia profesional d'Alministración y Xestión.
Les instancies van unviase, preferentemente, de manera telemática utilizáu al efectu la plataforma d'ufiertes públiques https://langreo.convoca.online. Tamién podrán presentase de manera presencial nel Serviciu d'Información y Atención Ciudadana (SIAC), y nesi casu ye aconseyable pidir cita; nuna alministración xuntada al Sistema d'Interconexión de Rexistros; o per cualesquiera de les víes previstes nel Procedimientu Alministrativu Común de les Alministraciones Públiques