El Conceyu comprométese a tratar de crear un conceyu más saludable siguiendo los oxetivos del proyectu Healthy Cities
18 sep 2023 . Actualizado a las 13:51 h.El Conceyu de Llangréu va pasar a formar parte de la Rede Española de Ciudaes Saludables tres la so aprobación nel plenu ordinariu d'esti mes. L'adhesión a esta rede, que ye una sección de la Federación de Conceyos y Provincies (FEMP), compromete al Conceyu a cumplir colos oxetivos del proyectu Healthy Cities de la Organización Mundial de la Salú que, ente otres cuestiones, pretende la creación de ciudaes saludables cola promoción y la prevención de la salú pero tamién cola meyora de l'accesibilidá, el mediu ambiente, l'acercamientu de la cultura y el deporte a la ciudadanía y l'apueste por un urbanismu dinámicu que devuelva l'espaciu a les persones.
Pa la puesta en marcha d'esti programa'l consistoriu llangreanu yá recibió 1.173 euros en conceptu de sovención destinada a la promoción del proyectu ente la ciudadanía.
El programa va buscar promover les condiciones precises y los mecanismos utilizando un enfoque humanu nel desenvolvimientu social y priorizando la inversión nes persones p'ameyorar la equidá y la inclusión pente medies d'una mayor participación de los vecinos y vecines.