«La destrucción térmica de les borrafes ye la peor forma de xestionar les borrafes pol so impactu ambiental fuerte», alverten los ecoloxistes
15 sep 2023 . Actualizado a las 11:17 h.El colectivu Coordinadora Ecoloxista d'Asturies emitió esti vienres una nota de prensa na que muestra la so esmolición pola quema de borrafes nuna cementera d'Aboño, nel conceyu de Carreño.
Según señalen los ecoloxistes, la Conseyería de Transición Ecolóxica, Industria y Desarrollu Económicu d'Asturies resolvió autorizar, ensin información pública, l'usu de borrafes nueves nos procesos de la cementera d'Aboño nel conceyu de Carreño.
«La destrucción térmica de les borrafes ye la peor forma de xestionar les borrafes pol so impactu ambiental fuerte, y pola destrucción de materies primes que nun puen recuperase nin reciclase n'otros procesos. Les presiones que tán faciendo les cementeres pa consiguir xestionar les borrafes como combustible nun signifiquen namás un riesgu pa los colindantes y el mediu ambiente, sinón una perda de calidá cierta del cementu fabricáu», alverten los ecoloxistes, informa Europa Press.