Iniciativa pol Asturianu califica de «discriminación» que los diputaos qu'usen l'asturianu nel Congresu tengan qu'autotraducise
AGORA
El colectivu indicó que la única ferramienta que va poder garantizar la plena igualdá ente tola ciudadanía «independientemente de la llingua qu'use ye la oficialidá»
14 sep 2023 . Actualizado a las 12:35 h.Iniciativa pol Asturianu calificó de «discriminación» que los diputaos que vaigan usar l'asturianu nel Congresu tengan que dividir el tiempu d'intervención p'autotraducise al castellanu.
El colectivu indicó que la única ferramienta que va poder garantizar la plena igualdá ente tola ciudadanía «independientemente de la llingua qu'use ye la oficialidá». «Ensin una reforma del Estatutu d'Autonomía que reconozca los derechos llingüísticos, los asturianos y les asturianes tamos condenaos a ser ciudadanos de segunda», afirmaron.
Con too, reconocieron la «visibilidá» que pue suponer permitir l'usu del asturianu nel Congresu. «La visibilidá que pue tener l'idioma nesti foru tien un valir especial como elementu normalizador, pero ye importante recalcar qu'únicamente cola oficialidá s'atayaría de manera definitiva cualesquier tipu de discriminación por usar llibremente les nuestres llingües», dixeron, informa Europa Press.