La Universidá d'Uviéu axunta a los artistes más destacaos del arte contemporáneu asturianu
AGORA
L'amuesa «Geometrias» recueye una visión de les diverses posibilidaes de l'astracción xeométrica al traviés de la cuidada selección d'obres de trece creadore
14 sep 2023 . Actualizado a las 09:08 h.La visión de les diverses posibilidaes de l'astracción xeométrica al traviés de la cuidada selección d'obres de trece artistes asturianos. Ye la propuesta de la esposición «Geometrías», que pue visitase dende hasta'l 15 d'ochobre, na sala d'esposiciones de la Universidá d'Uviéu, nel Edificiu Hestóricu.
«Geometrías» recueye per primer vegada y de forma conxunta obres de dalgunos de los artistes plásticos más destacaos del arte contemporaneo asturianu. Son Rubio Camín, Alejandro Mieres, Hermino, José Santamarina, Maite Centol, María Braña, Lisardo, Javier Victorero, Armando Pedrosa, Amador, Jorge Flórez, Rodrigo Martín y Eugenio López. Dase amás la circunstancia de que trés d'ellos —Javier Victorero, María Braña y Maite Centol— ellaboraron les sos obres espresamente pa esta amuesa.
L'amuesa, en pallabres del so comisariu, afonda nes distintes maneres de traducir al llinguaxe plásticu la xeometría: «Cada artista desenvuelve una estética personal, que fluctúa dende'l purismu xeométricu hasta l'astracción más llírica y que bebe de les distintes vanguardies, de l'astracción pospictórica, del Minimal-art o del arte ópticu».
«En 'Geometrías' ta presente'l calter universalista que toa obra d'arte tien de tener. En cada pieza topa'l bagaxe d'una sólida tradición plástica centrada na busca de lo siempres tapecío tres l'apariencia de les formes. La obra de los nuesos artistes destaca por un analís racional qu'aspira a conectar colo más esencial qu'hai en cada persona», destaca Santiago Martínez.
La esposición va poder visitase tamién mientres la Nueche Blanca d'Uviéu, que va celebrase’l 7 d'ochobre, y l'Universidá d'Uviéu previo amás va llevar a cabu visites guiaes. El catálogu de l'amuesa, que se va realizar coles fotografíes tomaes in situ na Sala d'Esposiciones, va incluyir testos de la vicerrectora, el comisariu, la catedrática d'Hestoria del Arte Soledad Álvarez y dalgunos de los artistes y va presentase’l 3 d'ochobre viniente.