Ana Roza entrega el testigu depués de cuatro años como cabeza visible del sector editorial asturianu y artífiz de la so refundación
06 sep 2023 . Actualizado a las 19:16 h.Depués de cuatro años como cabeza visible del sector editorial asturianu y artífiz de la so refundación, Ana Roza entregó esti martes el testigu de la presidencia al editor Daniel Álvarez Prendes (Uviéu, 1977), hasta agora secretariu del Gremiu.
Llicenciáu n'Historia pola Universidá d'Uviéu y máster n'Edición, l'editor d'Hoja de Lata va tar acompañáu na xunta directiva por Esther Prieto (Trabe) como secretaria y por Benito García Noriega (KRK) como tesoreru.
«La presidencia nueva va siguir una llinia de continuidá coles actuaciones entamaes na etapa de Roza, caracterizada pol aumentu del Gremiu, que pasó d'axuntar a doce sellos en 2019 a los trenta y ún que tien na actualidá, amás de pola so proyección nacional y internacional», indicaron dende'l Gremiu al traviés de nota de prensa, informa Europa Press.