La entidá señala que «les peligroses partícules Pm10 amuesen concentraciones elevaes» polo que se tien de proceder «a avisar a la población»
05 sep 2023 . Actualizado a las 13:47 h.La Coordinadora Ecoloxista d'Asturies denunció que namás «queda que llueva» pa rebaxar la «disparada contaminación» que s'alienda en gran parte de Xixón. La entidá señaló que «les peligroses partícules Pm10 amuesen concentraciones elevaes» polo que resaltó que se tien de proceder «a avisar a la población» de la contaminación del aire nel conceyu nel so nivel d'«alerta» d'alcuerdu al Real Decretu 34/2023.
La Coordinadora Ecoloxista d'Asturies denunció que La Calzada presenta una situación «desfavorable» poles partícules de menos de 10 micres, mentanto que n'El Lauredal, Pumarín y L'Arena ye «regular». La entidá sollertó de que con estos valores de contaminación, tola población «puede esperimentar efectos negativos sobro la salú» y los grupos de riesgu «efectos munchu más serios», en base al Índiz Nacional Calidable del Aire, espublizáu na web del Ministeriu pa la Transición Ecolóxica y el Retu Demográficu pa les partícules Pm10.
Insistíó en que, acordies col Real Decretu 34/2023, «cuando se supere o se prevea que se va a superar la llinde d'información o d'alerta del anexu, les alministraciones competentes van adoptar les midíes necesaries d'urxencia y van informar a la población» daqué que, al so xuiciu, nin el Principáu nin el Conceyu de Xixón fixeron.
Na Coordinadora recuerden que denunciaron «repitíes vegaes» que l'área de Xixón presenta «bien malos datos de contaminación del aire por partícules», a pesar del maquillaxe» que, dende'l so puntu de vista, lleva a cabu'l Principáu. Denunció, a lo último, que la comisión de responsabilidaes» énte esti problema de salú pública y la falta d'un protocolu d'actuación «ye una actitú inxustificable»