L'alcuentru ente l'escritor y la reciella de Corvera va facese'l llunes 14 d'agostu a les 11:30 hores nel Salón d'Actos del Centru Sociocultural de Les Vegues
12 ago 2023 . Actualizado a las 09:06 h.Nesti 2023 el «Veranu Lliterariu», una iniciativa del Serviciu de Normalización Llingüística de Corvera que cumple la undécima edición, torna p'averar la lliteratura infantil n'asturianu a la reciella corverana. El llunes 11 de xunetu va tener la vez nesta actividá l'escritor Lluis Aique Iglesias.
Lluis Aique Iglesias (Sotrondio, 1967) ye profesor, escritor y traductor; foi ganador nel 2018 del premiu «María Xosefa Canellada» de lliteratura infantil y xuvenil cola obra Invisible y del Premiu Radagast de novela 2021 con «La vieya», amás d'otros concursos lliterarios. Cola editorial Pintar-Pintar publicó llibros dirixíos al públicu infantil, casu de «Lin quier esnalar» o «Lin xube a Carabín».
Lluis Aique Iglesias va participar nel Veranu Lliterariu col cuentu «Lin xube a Carabín», un cuentu que tien como protagonista un neñu, Lin, que mira la vida y la realidá que lu arrodia con otros güeyos.
L'alcuentru ente l'escritor y la reciella de Corvera va facese'l llunes 14 d'agostu a les 11:30 hores nel Salón d'Actos del Centru Sociocultural de Las Vegas/Les Vegues y l'asistencia ye llibre y de baldre.