La competición suma 242 inscritos, la cifra más alta nos sos 24 años d'historia
03 ago 2023 . Actualizado a las 17:22 h.La Copa Asturies de natación n'agües abiertes, competición que se va celebrar en Navia'l próximu sábadu 5 d'agostu precediendo al tradicional Descensu a nadu, va ser la más numberosa de la so hestoria. Nla nueche del llunes pasao, momentu en que quedaba zarráu'l plazu d'inscripción y tres l'oportunu períodu de comprobaciones, certificáronse un total de 242 inscritos, que representa'l númberu más altu d'inscritos dende la creación de la competición nel yá alloñáu añu 2001.
L'eventu va componese de trés categoríes distintes:
- Una primer salida pa los participantes individuales masculinos, que van percorrer 7,5 kilómetros Esta categoría va tener una participación de 112 nadadores.
- Una segunda salida pa les participantes individuales femenines, con un total de 37 deportistes rexistraes qu'igualmente van totalizar 7,5 quilómetros.
- Una tercer competición por equipos de xéneru mestu, onde cada equipu, compuestu por dos moces y un mozu o bien dos mozos y una moza, efectuaren una serie de 3 postes consecutives, cubriendo en caúna de les postes 2,5 quilómetros. Esta competición computó 90 inscritos, ello ye, 30 equipos, escosando asina les places totales que dispunxera la organización pa esta categoría, dalgo qu'asocedió tamién per vegada primera.
L'anterior récord de participantes en Copa Asturies databa precisamente del añu pasao 2022, establecíu en 220 nadadores. Esto supón un crecimientu interañal positivu del 10% en númberu de participantes, y tamién supón que la competición bate'l so propiu récor per segundu añu consecutivu.
Pela so parte, el Descensu a nadu, que va celebrar el so sesentenoquinta edición el próximu domingu 6 d'agostu, zarró la so inscripción de 2023 con un total de 868 deportistes, una cifra que supón el cuartu meyor rexistru d'inscritos nos sos 65 años d'historia y la cifra más alta d'inscritos dende l'añu 2019, última edición celebrada con anterioridá a la pandemia Covid19.