La Conseyería de Cultura, Política Llingüística y Turismu destina un total de 57.000 euros a la dotación de los diez gallardones
12 jul 2023 . Actualizado a las 16:47 h.Un total de 80 obres, 13 más que nel 2022, concurren esti añu a les convocatories de los premios lliterarios que'l Gobiernu d'Asturies impulsa pa reconocer la producción lliteraria en llingua asturiana y l'artística y escénica n'asturianu o gallego-asturianu.
El Premiu Xuan María Acebal de Poesía recibió 15 obres, el Xosefa Xovellanos de Novela 6 candidates, el Máximo Fuertes Acevedo d'Ensayu 4 trabayos, pal María Josefa Canellada de Lliteratura infantil y xuvenil 13 títulos, l'Alfonso Iglesias de Cómic 6 obres, pal Florina Alías a la Meyor Traducción 12 trabayos, al Meyor Cantar Camaretá 9 composiciones, al Nel Amaro a la Meyor Producción Escénica trés espectáculos, pal Enriqueta González Rubín de Narrativa Moza trés candidatures y pal Premiu Pachín de Melás de Testos Teatrales nueve obres.
La Conseyería de Cultura, Política Llingüística y Turismu destina un total de 57.000 euros a la dotación de los diez gallardones, amás de la publicación de les obres ganadores y la presencia de los autores y de los espectáculos ganadores nel circuitu «Autores nel Camín» del programa «Asturies Cultura en Rede».
Dientro de les candidatures del 2023 la respuesta a la primer convocatoria del Premiu Pachín de Melás de Testos Teatrales, que recibió nueve obres. El premiu ta dotáu con 6.000 euros y la estrena del montaxe ganador dientro del circuitu de teatru profesional asturianu. El «Pachín de Melás» ye un gallardón de creación nueva a sumar a los impulsaos pela primer vez nesta llexislatura: el Premiu Florina Alías a la Meyor Traducción y l'Enriqueta González Rubín de Narrativa Moza, informa Europa Press.
La Dirección Xeneral de Política Llingüística promueve amás, en collaboración colos servicios de normalización de les entidaes locales, los premios de poesía Ría del Eo y de lliteratura infantil Quiastolita en gallego-asturianu.