Trátase d'un ensayu de divulgación científica con versión asturiana de Xurde Menéndez Caravia
11 abr 2021 . Actualizado a las 12:24 h.Trabe publica «La vida en cuatro lletres», la versión n'asturianu del llibru de Carlos López Otín. El llibru ye un ensayu de divulgación científica, fai por responder a delles entrugues cimeres: ¿qué ye la vida?, ¿qué mos fai humanos?, ¿llevamos la felicidá escrita nos xenes? y la traducción al asturianu ye de Xurde Menéndez Caravia.
Garrando’l filu d’estes preguntes l’autor esbilla los momentos piqueros de la vida na Tierra, esplícamos cómo lleguemos hasta equí y por qué varies carauterístiques de nueso mos traxeron la enfermedá como amenaza mundial pa la felicidá. Dempués, entaína a falar sobre los estremaos llinguaxes de la vida, ente los que ta’l llinguaxe xenómicu de cuatro lletres que designen los cuatro componentes químicos del ADN: A d’adenina, C de citosina, G de guanina y T de timina.
Amás, l’autor afonda nos qu’él mesmu llama elixires de felicidá nuevos, nes posibilidaes que la intelixencia artificial mos apurre p’algamar el bienestar emocional, y ufre una fórmula xenómica imperfeuta de la felicidá. El llibru zarra cola presentación de los cinco resclavos xenerales de la felicidá y catorce recomendaciones que van valimos bien pa caleyar pel planeta de los xenes.