El Colexu de Médicos ufierta la so ayuda al Principáu pa solucionar los problemes de la sanidá asturiana

El Colexu Oficial de Médicos ufiértase a formar parte del estudiu y de la búsqueda de soluciones pa los problemes que sufre la Sanidá nel Principáu. Asina lo manifestó esti llunes el so presidente, Alejandro Braña, tres l'alcuentru calteníu col conseyeru de Salú, Pablo Fernández Muñiz. «Analicemos la situación actual na Sanidá d'Asturies, qu'él conoz perbién», destacó.

Braña calificó «positivamente» la xunta. En declaraciones a Europa Press, recalcó que «son temes que'l conseyeru conoz a la perfección» y reconoció qu'unu de los principales problemes ye l'asuntu de la demografía. «La población médica asturiana tien una media d'edá alta, casi la metá de los médicos n'exerciciu tán penriba de los 50 años y, poro, hai un problema seriu de mantenimientu de la calidá de la sanidá nos próximos años», apuntó.

Dende'l Colexu de Médicos d'Asturies indicaron qu'esto se manifiesta d'una forma muncho más notable en delles especialidaes, como por casu Atención Primaria. Amás, de producise con «más roxura» en determinaes árees sanitaries, «nes más alloñaes», concretó. Según esplicó Braña, estes situaciones danse «especialmente en momentos del añu en que por vacaciones hai menos personal».

El más importante d'estos fondos ye'l llamáu Fondu de Garantía de Servicios Públicos Fundamentales, que se nutre con un 75%de los ingresos tributarios teóricos o normativos de les comunidaes autónomes y con una aportación adicional del Estáu. La dotación total del Fondu de Garantía foi de 83.042 millones d'euros en 2017, un 2,4% más. Los ingresos tributarios homoxéneos alzáronse un 3,9% nel exerciciu 2017, hasta algamar los 100.572 millones d'euros. Los ingresos vencíos tradicionales repicaron un 0,35%, hasta los 15.407 millones, ente que los referíos a IRPF, IVA ya Impuestos Especiales alzáronse un 3,5%, hasta los 83.073 millones d'euros.

---

---