20.094 van facelo na escuela pública y 2.638 na concertada
16 sep 2019 . Actualizado a las 05:00 h.Un total de 22.732 alumnos van estudiar asturianu o gallego-asturianu nesti cursu 2019/2020, de los que 20.094 van facelo na escuela pública y 2.638 na concertada. Per otru llau, los niveles más altos de matriculación mantiénense en Primaria, onde'l porcentaxe ta nel 50% a pesar de la baxada de la natalidá.
Asina, nesti cursu 16.466 escolinos de les escueles de Primaria de titularidá pública van dir a asturianu o gallego-asturianu. Nel 2018/2019 foron 17.102, pero les cifres siguen nel 50% del alumnáu pola baxada na matriculación como consecuencia de la natalidá. Per otru llau, na escuela concertada hai 1.998 matriculaos, mentes que l'añu pasáu hubo 2.083.
Tamién van impartir asturianu o gallego-asturianu un total de 3.809 alumnos de Secundaria. Son 67 alumnos más que nel 2018/2019, a pesar de que nesti cursu la matriculación en Secundaria baxó en 591 alumnos como consecuencia de la natalidá baxa y la perda de matrícules que supón.
En concreto, nesti cursu 2019/2020 va haber na pública 3.169 alumnos --el 14,6%-- y na concertada 640 --6,5%--. El cursu pasáu estudiaron na pública 3.118 alumnos --el 14,1% del total--, mentes que na concertada foron 624 --el 6,2%--.
Otra manera, en Bachilleratu esti cursu hai 426 alumnos --415 nel diurnu y 11 nel nocturnu--. Con too, la matricula nesti nivel sigue abierta. El cursu pasáu hubo 393 --368 nel diurnu y 25 nel nocturnu--. Nengún institutu priváu d'Asturies imparte la materia.