Educación pon nomes n'asturianu y gallego-asturianu a los 31 centros qu'integren la primer fase de la rede d'escuelines
AGORA
Esta iniciativa va permitir la identificación de los equipamientos p'alumnáu d'estes edaes nel procesu d'almisión pal cursu 2024-2025
23 abr 2024 . Actualizado a las 17:24 h.La Conseyería d'Educación decidió poner nomes n'asturianu y gallego-asturianu a los 31 centros qu'integral la primer fase de la rede autonómica, pública y gratuita d'escueles infantiles de 0 a 3 años.
Esta iniciativa va permitir la identificación de los equipamientos p'alumnáu d'estes edaes nel procesu d'almisión pal cursu 2024-2025, qu'empieza'l llunes. El departamentu qu'encabeza Lydia Espina encargóse de buscar nomes autóctonos, «en collaboración y col consensu de los conceyos», depués d'analizar les peculiaridaes culturales y llingüístiques de cada conceyu, según informó'l Principáu en nota de prensa esti sábadu.
Los nomes de dalgunes son La reciella, Los pequeníos, Lss xanines, Los nuberinos, El diañu burllón, L'escondelerite, El Castañéu, O esguín, La parpayuela, La Veiga, La Brañona, Los polesinos, o Los carbayoninos.
La conseyería ta preparando un informe que contién una ficha de cada escuela infantil cola denominación xenérica y específica, el códigu de centru, la dirección, el llugar y el conceyu, amás del númberu d'aules previstes y la capacidá máxima d'alumnáu. Ese informe va mandase depués al Conseyu de Gobiernu, que va tener qu'autorizar tanto la creación como los sos nomes oficiales. El Principáu recordó que va construyir directamente 15 escueles n'espacios disponibles n'escueles públiques, mentes que les otres 16 tán edificándoles los conceyos cola última subvención de fondos europeos del Mecanismu de Recuperación y Resiliencia (MRR) y que va asumir tamién el Gobiernu d'Asturies. Esta primer fase consta d'un total de 54 unidaes y un máximu de 832 places, informa Europa Press.