El Conseyu de la Rede de Normalización Llingüística firmó'l martes 20 de febreru en Bimenes esta declaración institucional en defensa de la oficialidá de les llingües propies d'Asturies
28 feb 2024 . Actualizado a las 14:44 h.Los portavoces de los grupos parllamentarios alcordaron esti miércoles l'orde del plenu viniente que va tratar, ente otros asuntos, la 'Declaración de Bimenes' en defensa de les llingües propies d'Asturies, a iniciativa de PSOE y IX-Convocatoria por Asturies.
El Conseyu de la Rede de Normalización Llingüística firmó'l martes 20 de febreru en Bimenes esta declaración institucional en defensa de la oficialidá de les llingües propies d'Asturies, coincidiendo cola celebración, mañana, del Día de la Llingua Materna.
L'alcalde de Bimenes, Aitor García, propunxo na xunta l'aprobación de la declaración institucional, que se ratificó por toles instituciones y conceyos presentes, ente los que nun taba nengún gobernáu pol Partíu Popular.
El documentu recueye que «l'oxetivu de la política llingüística y de la normalización ye garantizar que toles llingües tengan les mesmes oportunidaes d'usu y desarrollu». Pa eso, aboga pola declaración d'oficialidá, pa cuntar «coles mesmes condiciones que'l restu de llingües oficiales d'España». «La diversidá llingüística nunca ha de vese como una amenaza, sinón como una oportunidá», señala.
Amás, IX-Convocatoria por Asturies va plantear na Xunta Xeneral una proposición p'actualizar la llei d'Igualdá que reflexe formes de violencia nueves contra les muyeres, de la que propunxo la organización el 8 de marzu d'un actu na escalera de la Xunta, pa la conmemoración del Día Internacional de la Muyer cola llectura d'una declaración institucional de la Xunta de Portavoces.
El parllamentu tamién va debatir la selmana viniente sobre la situación medioambiental de la ría de Villaviciosa; la integración del llobu nel Lespre; la rede autonómica d'escueles infantiles de 0 a 3 años; o la situación del campu; informó Europa Press.